நம்ப முடியாத அதிசயங்கள் – மின்னூல்

வணக்கம்

எல்லாரும் நலம் தானே!

ரொம்ப நாளாச்சு இங்கு பதிவுகள் இட்டு.

இந்த வலைப்பூவில் வெளியான சில கட்டுரைகள் தொகுக்கப்பட்டு மின்னூலாகியுள்ளன.

அதை இந்தச் சுட்டியிலிருந்து பதிவிறக்கிப் படிக்கலாம்.

இந்தக் கட்டுரைகளை எழுதியபோது பின்னூட்டமளித்து ஊக்கமளித்த நண்பர்கள் பா. முருகையன், புதுகை அப்துல்லா, சுமன், தோழி, திண்டுக்கல் தனபாலன் மற்றும் பலருக்கும் மிக்க நன்றி.

இதனை நீங்கள் படிக்கலாம். பகிரலாம். நண்பர்களுக்குப் பரிந்துரைக்கலாம். ஆனால் அனுமதி இல்லாமல் அச்சாக்கவோ, பிரதி எடுக்கவோ, காபி- பேஸ்ட் செய்து நூலாக வெளியிடுதலோ கூடாது.

இதனை இங்கே குறிப்பிடக் காரணம், இந்த வலைப்பூவில், எனது சொந்த முயற்சியில் தேடலில் உருவான கட்டுரைகளை பிரபல எழுத்தாளர் ஒருவர் அப்படியே காபி – பேஸ்ட் செய்து (நான் செய்திருக்கும் எழுத்துப் பிழைகளையையும், பெயர் பற்றிய பிழைகளையும் கூட அப்படியே காபி அடித்து) முன்னே, பின்னே கொஞ்சம் விஷயங்களைச் சேர்த்து புத்தகமாக்கி வெளியிட்டு விட்டார். (அதைப் பற்றி இங்கே எழுதியிருக்கிறேன்)

இதனை அந்த பிரபல எழுத்தாளர் கவனத்திற்குக் கொண்டு சென்ற பிறகும் ’கள்ள மௌனம்’ சாதித்து விட்டுச் சும்மா இருந்து விட்டார். சம்பந்தப்பட்ட பதிப்பகம் எங்களுக்குத் தெரியாது எழுத்தாளரைக் கேளுங்கள் என்று சொல்லி விட்டது. எழுத்தாளரோ கொஞ்சம் கூட குற்றவுணர்ச்சியோ வெட்கமோ இல்லாமல் தனது பணிகளை வழக்கம் போல் செய்து கொண்டிருக்கிறார். அடுத்தவரின் உழைப்பைத் திருடிப் பிழைப்பவர்களை… மற்றவரின் சிந்தனையில் தோன்றிய விஷயங்களுக்குத் தாங்கள் சொந்தம் கொண்டாடுபவர்களைப் பற்றி என்னவென்று சொல்வது….

வேறு வழியில்லாமலேயே இதனைப் பற்றி இங்கே குறிப்பிட நேர்ந்தது. மன்னிக்கவும்

மற்றபடி நூலைப் படித்துவிட்டு அதில் உள்ள மின்னஞ்சல் முகவரிக்கு உங்கள் கருத்துக்களை எழுதுங்கள்.

நன்றி