பகுத்தறிவும் ஆன்மீகமும்

சுமார் 45 ஆண்டுகளுக்கு முன்னால் திருநெல்வேலி இந்துக் கல்லூரியில் நடந்த சுயமரியாதை மகாநாட்டுக்குப் போயிருந்தேன். நமது சமயத்தில் உள்ள மூடக் கருத்துகளை நையாண்டி செய்து பல அறிஞர்கள் சுவையாகப் பேசினார்கள். அவர்களது பேச்சுத் திறமையும் துணிச்சலும் என் உள்ளத்தைப் பெரிதும் கவர்ந்தன. இந்த மாநாட்டிற்குச் செல்வதற்கு முன்னால் தினந்தோறும் கோயிலுக்குப்போய் இறைவனை வணங்கி வந்தேன். மாநாட்டுப் பேச்சுகளைக் கேட்ட பிறகு “சாமியாவது, சாத்தானாவது! மந்திரமாவது, மண்ணாங்கட்டியாவது!” என்று சொல்லி கடவுள் நம்பிக்கை உள்ளவர்களைப் பார்த்துப் பழிக்கத் தொடங்கினேன். இப்படியாகப் பல ஆண்டுகள் திரிகரண சுத்தியாக “கடவுள் இல்லை, இல்லவே இல்லை’ என்ற உறுதியில் நின்றேன். இந்த உறுதிக்கு ஊட்டம் கொடுப்பதற்காக “வால்டேர்’ “இங்கர்சால்’ “பெட்ரன்ட் ரஸ்ஸல்’ போன்ற சிறந்த நாத்திகவாதிகளுடைய நூல்களை கவனத்தோடும் ஆர்வத்தோடும் படித்து வந்தேன்.

maharaj

ஆனால் என்னுடைய உறுதிப்பாட்டுக்கு உலை வைக்கக்கூடிய நிகழ்ச்சிகள் பின்னால் நடக்கத் தொடங்கின. பாளையங்கோட்டையில் நான் வழக்குரைஞராக இருந்தபோது கல்கத்தா தீர்ப்பு ஒன்றை மாவட்ட நீதிமன்றத்தில் மேற்கோளாகக் காட்ட எண்ணி நூலகத்திலிருந்து “41 கல்கத்தா” என்ற தீர்ப்புத் தொகுதியை எடுக்கப் போனேன். புத்தகத்தைப் புரட்டியபோது அதிலிருந்த ஒரு கருந்தேள் என் விரலில் கொட்டிவிட்டது. தேள்கடி அனுபவம் எனக்கு முன்னும் இருந்ததில்லை, பின்னும் இருந்ததில்லை. கொஞ்ச நேரம் விரலில் கடுகடுப்பு இருந்தது. சிரித்துச் சமாளிக்கப் பார்த்தேன். ஆனால் நேரம் ஆக ஆக விஷம் ஏறிக்கொண்டே போயிற்று. வலி பொறுக்க முடியாமல் நீதிபதியிடம் “வாய்தா” வாங்கிக்கொண்டு வீடு போய்ச் சேர்ந்தேன்.

அதற்குள் கை முழுவதும் வலி பரவி நெறி கட்டிக் கொண்டது. என் துன்பத்தைச் சகிக்க முடியாத என் அத்தை பக்கத்து வீட்டுப் பையன் மணியை அவசரமாக அழைத்தார். அவனுக்கு வயது 10 இருக்கும். என்னைக் கண்டாலே அவன் அஞ்சுவான். அவனைக் கண்டாலே எனக்கு ஏளனம். கையில் ஒரு வேப்பங்குலையை வைத்துக்கொண்டு ஏதோ ஒரு மந்திரத்தை முணுமுணுத்துக்கொண்டு பயமில்லாமல் அவன் என்னை அணுகி, வேப்பங்குலையால் என் கையில் மூன்று முறை அடித்தான். உடனே என் வலியெல்லாம் மாயமாய் மறைந்துவிட்டது! நடந்த நிகழ்ச்சியை என்னால் நம்பவே முடியவில்லை!

மணியை அரைமணி நேரம் குறுக்கு விசாரணை செய்ததில், சந்திரகிரகண காலத்தில் நட்டாற்றில் இடுப்பளவு தண்ணீரில் நின்றுகொண்டு லட்சக்கணக்காக ஒரு மந்திரத்தை ஜபித்ததால் தனக்கு இந்த விஷம் இறக்கும் சக்தி கை வந்தது என்று சொன்னான். பகுத்தறிவுக்கு ஒவ்வாத மந்திரத்துக்கு இவ்வளவு சக்தி இருக்குமா என்று திகைத்தேன். பெட்ரன்ட் ரஸ்ஸலைப் படித்து உருவேற்றிய என் பகுத்தறிவுக்கு இந்த நிகழ்ச்சி அவமானத்தையே தந்தது. நாளடைவில் இன்னும் பலஅதிர்ச்சி தரத்தக்க நிகழ்ச்சிகள் எனக்கு நடக்கவே, வாழ்க்கையைப் பார்க்கும் என் பார்வை மாறியது. என் மனமும் மாறியது. என் வாழ்வின் அடிப்படையே மாறிவிட்டது

– நீதிபதி எஸ் மகராஜன் எழுதிய “ஆடத் தெரியாத கடவுள்” நூலிலிருந்து

Advertisements

வானத்தில் பறந்த குழந்தை…

வானத்தில் பறந்த குழந்தை…

என்ன தலைப்பை நம்ப முடியவில்லை அல்லவா? கதை, கப்சா விடுகிறான் என்று தோன்றுகிறதல்லவா? முதலில் இதைப் படித்து விடுங்கள்…

“ கோவை (கோவைதானா என சரியாக ஞாபகமில்லை எனக்கு. மேலும் நினைவில் இருந்தே இதனை எழுதுகிறேன்) அருகே ஒரு அம்மையார் அற்புதம் நிகழ்த்துவாகக் கேள்விப்பட்ட மறைமலையடிகளின் நண்பர் அங்கே செல்கிறார். அது ஒரு சாதாரண குடிசை வீடு. உள்ளே முருகன் முதலிய தெய்வங்களின் படங்கள். அப்போது அங்கே தங்கள் குழந்தையுடன் ஒரு தம்பதியினர் வருகின்றனர்.

“அம்மா, குழந்தைக்கு பழனில முடி இறக்கணும் வேண்டுதல் அதான் இங்கே வந்தேன்” என்கின்றனர்.

“ஓ. அர்ச்சனை சாமான் கொண்டு வந்தியா?”

“இதோ”

அந்தத் தட்டை வாங்கி தூக்கிப் பிடித்தபடி “முருகா” என்று சொல்லி அந்த அம்மா மேலே எறிகிறார்.

மேலே சென்ற தட்டு காணாமல் போய் விடுகிறது.

இவர் திகைத்துப் போய் பார்த்துக் கொண்டிருக்கும் போதே “ம்ம் முருகனை நல்லா வேண்டிக்குங்க” என்கிறார் அந்த அம்மையார்.

அவர்கள் வேண்டிக் கொள்ள சற்று நேரத்தில் அந்த அம்மா, “முருகா முருகா” என்க அந்தத் தட்டு மறுபடியும் கீழே இறங்கி வருகிறது. அதில் உடைத்த தேங்காய், பூ, பழம் என அர்ச்சனைப் பிரசாதம்.

அடுத்து அவர்கள் நிறைமுடியோடிருக்கும் தங்கள் குழந்தையைக் கொடுக்க, அந்த அம்மாவும் அதை வாங்கி, “முருகா” என்று சொல்லி மேலே தூக்க, குழந்தையும் மறைந்து விடுகிறது.

எல்லோரும் பதைபதைத்துக் காத்திருக்க, வெகு நேரம் கழித்து அந்த அம்மா மீண்டும் “முருகா முருகா’ என்று சொல்லிக் கையை உயர்த்த குழந்தை கைக்கு வருகிறது. அழகாக மொட்டையடிக்கப்பட்டு, சந்தனம் பூசப்பெற்று.

நண்பர் திகைத்து விடுகிறார். பின்னர் மறைமலையடிகளைச் சந்தித்து விவரம் சொல்கிறார். மறைமலையடிகளும் உண்மை என்னவென்று அறிய அங்கெ செல்கிறார். அங்கே அவருக்குக் கிடைத்த அனுபவம்….

அதை அறிய கீழே படியுங்கள்…

இது கற்பனை அல்ல. திருவிகவும் இதே சம்பவத்தை  (குழந்தை வானத்தில் பறந்தது) தனது நூலில் உறுதிப்படுத்தியிருக்கிறார். 

இதனைப் பெரிதாக்கிப் பாருங்கள்…

ttk

mms 1

mms 2

mms 3
ப்போ நம்ப முடியுதா? 🙂

ஆதாரம் : மறைமலை அடிகள் வரலாறு.

எழுதியவர் ஆர். பொன்னம்மாள்

வெளியீடு : கங்கை புத்ததக நிலையம்

மற்றும் 

திரு.வி,க. எழுதிய உள்ளொளி,

பாரி நிலையம் வெளியீடு

*****