ஜோதிடக் கேள்வி – பதில்கள் – பகுதி – 6

 

முந்தைய பகுதிகள் இங்கே…

 

பரிகாரங்கள் தொடர்ச்சி…

 

அக்காலத்தில் இது போன்ற யாகங்கள், ஹோமங்கள் எல்லாம் ஜோதிடப் பரிகாரங்களாகச் சொல்லப்படவில்லை. இவை பின்னால் நடுவில் சிலர் பிழைப்பிற்காகப் புகுத்தியது. உண்மையான பரிகாரங்கள் என்ன தெரியுமா?

1) ஆலயங்களில் நெய் தீபம் ஏற்றுதல்…

2) ஆலய இறைவனை வழிபாடு செய்து வலம் வருதல்

3) ஆலயத்தைச் சுத்தமாக வைத்திருத்தல், அப்பணிகளில் உதவுவதல்

4) நந்தவனத்தைப் பராமரித்தல், விருட்சங்களை வளர்த்தல்

5) ஆலயத்தை அண்டி வசிப்பவர்களுக்கு உதவுவதல் (அன்னதானம்)

6) ஏழைகளுக்கு வசதி இருப்பின் உடை, உணவு போன்றவற்றை அளித்தல் (வஸ்திர தானம்)

7) ஏழைகளது நோய் தீர்க்க உதவுதல் (சஸ்திர தானம்)

8) அவர்களது கல்வி உயர்வுக்கு உதவுதல் (வித்யா தானம்)

9) திருமணமாகதவர்களுக்கு பொன் அளித்து உதவுதல் (மாங்கல்ய தானம்)

10) ஆதரவற்ற வறியவர்களைத் தங்க வைத்துப் பராமரித்தல் (சத்திரம், மடம் அமைத்தல்)

11) தாகம் தீர்க்க தண்ணீர் பந்தல், குளம் போன்றவை அமைத்தல்

12) ஆதரவற்று இறப்போர்களுக்கு அந்திமக் கிரியைகள் செய்தல்

இவையும் இவை போன்ற சிலவுமே ஒருவனின் பாவம் போக்க உதவும் உண்மையான பரிகாரங்கள். இவற்றை உண்மையான ஈடுபாட்டோடு ஒருவன் செய்யும் போது அவன் கர்மவினைகள் குறைகின்றன. (கவனிக்க; கர்மவினைகள் முற்றிலும் மறைவதில்லை. அவற்றின் வீரியங்கள் குறைகின்றன. ஏனென்றால் கர்மாவை ஒருவன் அனுபவித்துத் தீர்க்க வேண்டும் என்பதுதான் விதி. Every Action has an Equal and Opposite Reaction. That’s True.

சுருக்கமாகச் சொன்னால், மழை பெய்யும் பொழுது குடை எடுத்துக் கொண்டு நனையாமலும் செல்லலாம். அல்லது நனைந்து கொண்டும் செல்லலாம். அது போன்றது தான் பரிகாரங்களும். குடை பிடித்துச் செல்வதால் தலை நனையாது. ஆனால் உடலில் ஈரம் படாமல் செல்ல முடியாது. அது போல பரிகாரங்கள் போன்றவை ஓரளவு நம்மைக் காக்கும். ஆனால் முழுக்க முழுக்க நமது கர்மாக்களை நசிந்து போகச் செய்து விடாது.

மேலும் பாவங்களை வேண்டுமானால் பரிகாரங்கள் மூலம் ஓரளவு அதன் வீரியத்தைக் குறைத்துக் கொள்ளலாம். ஆனால் சாபங்களை அனுபவித்துத் தான் தீர்க்க வேண்டும்.

பரிகாரங்கள் பல செய்தும் ஒருவருக்குப் பலன்கள் சரிவர நடக்கவில்லை என்றால் அதற்கு ஜோதிடர், ஜோதிடம், ஊழ்வினை, சாபங்கள் என பல காரணங்கள் இருக்கின்றன. அவற்றின் பலம், பலவீனம் பொருத்தே ஒருவரது உயர்வும், தாழ்வும் அமைகிறது.

அதனால் தான் எல்லோரும் எப்போதும் நல்லதே சிந்திக்க வேண்டும், நல்லதே செய்ய வேண்டும். நல் வழியே நடக்க வேண்டும் என அனைத்து மதங்களும் போதிக்கின்றன.

நம் நாளைய வாழ்வின் நல்லது கெட்டதுகளுக்கு நாம் இன்று செய்யும் செயல்களே காரணமாக அமைகின்றன. ஆனால் நாம் அவற்றை முழுமையாக உணர்வதில்லை. இதில் நாளை என்பது வருங்காலமாக இருக்கலாம். அல்லது கர்மாக்களைக் கழிந்தும் முடியாமல் எஞ்சியிருக்கும் கர்மாக்களைக் கழிக்க மீண்டும் எடுக்கும் மறுபிறவியாகவும் இருக்கலாம்.

தீதும் நன்றும் பிறர் தர வாரா!

(தொடர்கிறேன்)

Advertisements

2 thoughts on “ஜோதிடக் கேள்வி – பதில்கள் – பகுதி – 6

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s